OBXECTIVO : estudo de descompoñedores de alimentos
Como parte do estudo dos seres vivos, un alumno de 5º xunto coa orientadora cultivaron un mofo e todos os compañeiros foron seguindo o proceso:
Humedeceuse unha rebanada de pan sen empapala e se puxo dentro dun recipiente transparente sen tapar.
Ao seguinte día o tapárono e, a diario, foron comprobando como se formaba o mofo.
Unha vez trancorridos os 10 días, fíxose a observación coa lupa binocular e co microscopio:
Coa lupa binocular: colleuse unha parte do cultivo e viron que o fungo estaba formado por uns filamentos chamado hifas e cuxo conxunto forma o micelio. As hifas máis vellas presentan nos seus extremos unhas boliñas negras, que son os aparatos reprodutores, chamados exporanxios en cuxo interior atopanse as esporas.
Co microscopio:tomouse, cunhas pinzas, unha pequena parte do micelio, cubriuse cunha gota de auga e observouse as hifas a modo de pequenos tubos, sen tabiques de separación e con numerosos núcleos esparcidos no citoplasma común. No extremo dalgunhas hifas aparece un engrosamento en cuxo interior atópanse as esporas.
CONCLUSIÓNS: o pan ao estar enmohecido presenta manchas de cor branca, verde, amarelo, negro e outras cores, zonas borrosas ou filamentosas e desprende o típico olor a mofo.
Para poder reproducirse, o mofo produce esporas, as cales se propagan a través do aire, a auga ou a través de insectos. Estas esporas actúan como sementes e poden propiciar un novo crecemento de mofo, se as condicións son apropiadas.
Moitas caras de desagrado víronse durante este proceso.
